Primeiro posto, mellores marcas

As pistas de atletismo de Balaídos volveron sentir a mordida dos tacos tralo parón do verán. Baixo o lema “Honrando aos medallistas de 1921” (data na que se celebrou o campionato de España en Coia), o trofeo tivo lugar o sábado 16 e nel participaron dúas atletas do club Samertolameu. Emma Rial Salgueiro impúxose con comodidade na proba de 500 metros e fulminou o crono en 1:31.04, o cal mellora en tres segundos a súa marca persoal. Nesta mesma proba, Carmen Nogueira Pena foi quinta cun tempo de 1:45:82, dez segundos menos que o seu mellor rexistro.